No DOG núm. 48, do 8 de marzo de 2018, publicouse a Resolución do 5 de marzo de 2018, da Dirección Xeral de Recursos Económicos, pola que se anuncia licitación da contratación da obra de adaptación funcional do Hospital Meixoeiro de Vigo para unidade de mama/medicina nuclear/radioterapia, cofinanciado pola Unión Europea nun 80 % no marco do programa operativo Feder Galicia 2014-2020, obxectivo temático 9, prioridade de investimento PI 9.7 e obxectivo específico OE 9.7.1 (expediente AB-SER3-18-034). Neste mesmo día publicouse no perfil do contratante do Servizo Galego de Saúde os pregos de cláusulas administrativas particulares desta contratación.
Debido ás dificultades para o acceso á documentación do expediente publicado no perfil do contratante, acórdase ampliar o cómputo do prazo de presentación de proposicións en dez días naturais. A finalización do prazo de presentación de ofertas será o día 13 de abril de 2018.
Permanece inalterado o resto dos extremos detallados no anuncio orixinario, todo isto de conformidade co artigo 32 e 109.2 da Lei 39/2015, do 1 de outubro, do procedemento administrativo común das administracións públicas.
O que se fai público para xeral coñecemento e, en especial, das empresas interesadas.
Santiago de Compostela, 20 de marzo de 2018
María Jesús Piñeiro Bello
Directora xeral de Recursos Económicos