A Xunta de Goberno Local do Concello de Ames, en sesión que tivo lugar o día 8 de febreiro de 2018, acordou a aprobación inicial do Plan de reforma interior APR PB4-07 Rego dos Pasos norte do Plan xeral de ordenación municipal (PXOM) de Ames.

De conformidade co establecido no artigo 75.1 da Lei 2/2016, do 10 de febreiro, do solo de Galicia, sométese a información pública polo prazo de dous meses, contados a partir da última publicación deste anuncio no Diario Oficial de Galicia e nun dos xornais de maior difusión da provincia.

Durante o dito prazo poderá ser examinado por calquera interesado nas dependencias municipais (Departamento de Urbanismo), situadas na rúa Alcalde Lorenzo, nº 2, 1º, Bertamiráns, das 9.00 ás 14.00 horas, e formular as alegacións que se consideren pertinentes.

Ames, 14 de febreiro de 2018

José M. Miñones Conde
Alcalde