O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
Visto o expediente instruído para a provisión de rexistros da propiedade, mercantís e de bens mobles vacantes en virtude do concurso ordinario número 298, convocado pola Resolución da Dirección Xeral dos Rexistros e do Notariado do 22 de xaneiro de 2018 (BOE do 29 de xaneiro) e resolto pola Resolución do 22 de febreiro de 2018, e de conformidade cos artigos 284 da Lei hipotecaria, 496 e demais concordantes do regulamento para a súa execución, co Decreto da Xunta de Galicia 72/2013, do 25 de abril, e coas demais disposicións legais autonómicas pertinentes,
RESOLVO:
Nomear os rexistradores comprendidos na citada resolución e que no anexo se relacionan para prover os rexistros vacantes radicados no territorio da Comunidade Autónoma de Galicia.
Santiago de Compostela, 2 de marzo de 2018
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza
ANEXO
• Enrique Martín Rodríguez Llorens, rexistrador de Vilagarcía, para o Rexistro da Coruña núm. 3.
• Ana María Raposo Conde, rexistradora de Ourense núm. 2, para o Rexistro da Coruña núm. 2.
• Teresa Luisa Palmeiro Pereiro, rexistradora de Narón, para o Rexistro de Carballo.