O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro) regula a revisión da autorización ambiental integrada.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro de 2013) regulan o procedemento de revisión das autorizacións ambientais integradas.
Para os efectos previstos no artigo 15.5.a) do dito real decreto, faise público que, por espazo de 20 días hábiles contados a partir do día seguinte ao da publicación deste anuncio no DOG, quedarán expostos os documentos titulados:
– Proxecto básico para a revisión da autorización ambiental integrada da Papelera de Brandía, S.A. en Santiago de Compostela (A Coruña). Novembro 2017. Ed. 1.
– Resumo non técnico. Proxecto básico para a revisión da autorización ambiental integrada da Papelera de Brandía, S.A. en Santiago de Compostela (A Coruña). Novembro 2017. Ed. 1.
Calquera interesado pode consultalos e, de ser o caso, formular dentro do dito prazo as alegacións, suxestións ou observacións que considere convenientes. Os documentos estarán á disposición dos administrados, en horario de atención ao público, nas dependencias da Dirección Xeral de Calidade Ambiental e Cambio Climático, Servizo de Prevención e Control Integrados da Contaminación (rúa de San Lázaro, s/n, Santiago de Compostela).
Ademais, poderán consultalos na páxina web da Consellería de Medio Ambiente e Ordenación do Territorio (http://cmaot.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
Santiago de Compostela, 5 de decembro de 2017
María Cruz Ferreira Costa
Directora xeral de Calidade Ambiental e Cambio Climático
ANEXO
Expediente: 2016-IPPC-M-0093.
Núm. de autorización ambiental integrada: 2006/0348_NAA/IPPC_126.
Categoría actividade: 6.1.b) (instalacións industriais dedicadas á fabricación de papel e cartón cunha capacidade de produción de máis de 20 toneladas diarias).
Titular: Papelera de Brandía, S.A.
CIF: A15007727.
Enderezo: Paseo da Amaia, 2, Vidán, 15706 Santiago de Compostela (A Coruña).
Actividade principal: fabricación de papel e embalaxes.
Descrición: a planta fabrica, comercializa e vende papel kraft branco/cores MG (machine-glazed) satinado a unha cara, coa posibilidade de producir un amplo rango de gramaxes e con diferentes acabados para o seu procesado, impresión ou transformación industrial.
Verteduras: todas as augas residuais se conducen ata unha depuradora propia para o seu tratamento previo á vertedura ao río Sar.