O 29 de decembro de 2017, o conselleiro de Sanidade ditou resolución relativa á reclamación de responsabilidade patrimonial por asistencia sanitaria que formulou Mónica López González, no nome e representación de Manuel Ferreira González.
De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle a devandita resolución, que foi devolta polo servizo de Correos porque, intentada a notificación, non se puido efectuar.
Así mesmo, e como queira que segundo o artigo 46 da devandita Lei 39/2015, do 1 de outubro, a publicación da resolución pode lesionar dereitos ou intereses lexítimos, esta cédula limitarase á publicación, como anexo, dunha somera indicación do contido do acto e do lugar onde o interesado poderá comparecer en prazo, para coñecemento do contido íntegro do devandito acto e constancia de tal coñecemento.
Lémbrase que a citada resolución pon fin á vía administrativa de acordo co disposto no artigo 114 da Lei 39/2015, do 1 de outubro. Contra ela poderá interpor recurso contencioso-administrativo de acordo co que establece o artigo 14.1, na súa regra segunda, da Lei 29/1998, do 13 de xullo, reguladora da xurisdición contencioso-administrativa. O prazo será de dous meses, contados desde o día seguinte ao da notificación, de conformidade co artigo 46 da referida lei xurisdicional.
A eficacia desta notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Santiago de Compostela, 23 de febreiro de 2018
Alberto Fuentes Losada
Secretario xeral técnico da Consellería de Sanidade
ANEXO
Nº expediente: RP-2016-0150-P.
Reclamante: Mónica López González, no nome e representación de Manuel Ferreira González.
Último enderezo coñecido: rúa Gran Vía, 2, entresollado, oficina 1, 36203 Vigo (Pontevedra).
Contido da notificación: resolución do conselleiro de Sanidade do 29.12.2017 relativa á reclamación de responsabilidade patrimonial por asistencia sanitaria.
Lugar de comparecencia: Secretaría Xeral Técnica da Consellería de Sanidade, Edificio Administrativo de San Lázaro, 15703 Santiago de Compostela.
Prazo de comparecencia: 10 días.
