De conformidade coa Resolución da Alcaldía do 23 de febreiro de 2018, e por medio deste anuncio, efectúase a convocatoria de procedemento aberto, oferta máis vantaxosa, varios criterios de adxudicación, do servizo de conciliación da vida familiar, laboral e persoal do concello do Carballiño conforme os seguintes datos:
1. Entidade adxudicadora:
a) Organismo: Concello do Carballiño.
b) Dependencia que tramita o expediente: Servizos Sociais.
2. Obxecto do contrato:
a) Descrición do obxecto: servizo de conciliación da vida familiar, laboral e persoal, lecer e tempo libre durante as horas previas á xornada escolar e períodos vacacionais, destinado a nenas e nenos escolarizados, de 3 a 12 anos, do concello do Carballiño.
b) Lugar de execución: praza Maior, 1.
c) Prazo de execución: a duración do contrato será de dous anos (2) desde a súa formalización, con prórrogas anuais ata un máximo de catro anos.
3. Tramitación e procedemento:
a) Tramitación: ordinaria.
b) Procedemento: aberto.
4. Orzamento base da licitación:
a) Importe: 69.316,65 euros (IVE incluído).
5. Garantía: provisional: non se exixe.
6. Garantía definitiva: 5 % do importe de adxudicación, excluído o IVE.
7. Obtención de documentación e información:
a) Entidade: Concello do Carballiño.
b) Enderezo: praza Maior, 1.
c) Localidade e código postal: O Carballiño, 32500.
d) Teléfono: 988 53 00 07.
e) Telefax: 988 53 00 08.
8. Requisitos específicos do contratista:
a) Solvencia económica: de acordo co establecido no artigo 75.1.a) do texto refundido da Lei de contratos do sector público, acreditarase polo volume anual de negocio e seguro de indemnización por riscos profesionais.
b) Solvencia técnica: de acordo co establecido no artigo 78.1 do TRLCSP, acreditarase mediante a presentación dunha relación dos servizos realizados durante os últimos cinco anos.
9. Presentación das solicitudes de participación:
a) Data límite de presentación: rematará aos quince días naturais (15) a partir do día seguinte ao da última publicación deste anuncio no BOP, no DOG ou no perfil do contratante, das 9.00 ás 14.00 horas, de luns a venres.
b) Documentación que cómpre presentar: a que se especifica na cláusula 12 de pregos de cláusulas administrativas particulares.
c) Lugar de presentación: Concello do Carballiño.
d) Prazo durante o cal o licitador estará obrigado a manter a oferta: ata a adxudicación definitiva.
10. Apertura de proposicións: deberá ser realizada pola mesa de contratación no prazo máximo dun mes, desde o remate do prazo de presentación de proposicións.
11. Outras informacións: véxanse os pregos de cláusulas administrativas.
12. Gastos de anuncios: serán por conta do adxudicatario.
13. Perfil do contratante onde figuran as informacións relativas á convocatoria e onde se poden obter os pregos: www.carballino.gal
O Carballiño, 23 de febreiro de 2018
Francisco J. Fumega Piñeiro
Alcalde