Con data do 7 de febreiro de 2018 o concelleiro delegado da Área de Urbanismo, Obras e Medio Ambiente desta corporación ditou resolución pola que se acorda incoar expediente de expropiación forzosa por taxación conxunta para a execución do planeamento no ámbito da estrada Cambre-Temple, nº 8 (esquina rúa Carballo, nº 11), co fin de adquirir solo destinado a espazos libres de dominio e uso público e a viario público local polas normas subsidiarias do planeamento de Cambre, e aprobar inicialmente o proxecto de expropiación por taxación conxunta para tal fin redactado polo arquitecto Carlos Rodríguez Álvarez.
En cumprimento do disposto na lexislación vixente, sométese a información pública o dito proxecto de expropiación durante o prazo dun mes, a contar desde o día seguinte á publicación do presente anuncio no Diario Oficial de Galicia, para que os interesados poidan examinalo nas oficinas da Área de Urbanismo, das 10.00 ás 13.00 horas, os días laborables, e formular as alegacións, observacións ou reclamacións que consideren convenientes, en particular en que se refiere á titularidade ou valoración dos seus respectivos dereitos.
O que se fai público para xeral coñecemento, de conformidade cos artigos 118.2 e 3 da Lei 2/2016, do solo de Galicia, informando que contra este acordo, en canto acto de mero trámite que non pon fin á vía administrativa non cabe interpoñer recurso algún, sen prexuízo do dereito a formular as alegacións ou observacións que se consideren pertinentes.
Cambre, 9 de febreiro de 2018
O alcalde
P.D. (Resolución 1841/2016, do 18 de novembro)
Juan González Leirós
Concelleiro delegado da Área de Urbanismo, Obras e Medio Ambiente