De conformidade cos artigos 8.4 e 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión de carácter técnico á Sociedade Pública de Investimentos de Galicia, S.A. relativa ao expediente de contratación do servizo para a adxudicación do contrato da obra da terminal de autobuses integrada na Estación Intermodal de Ourense, que ten as seguintes características:

– Actividade a que se refire: a Sociedade Pública de Investimentos de Galicia, S.A. realizará os traballos que a seguir se sinalan.

Na fase de aprobación do proxecto: informe de supervisión do proxecto relativo á obra terminal de autobuses integrada na Estación Intermodal de Ourense.

– Natureza e alcance da xestión encomendada: esta encomenda ten natureza intersubxectiva ao realizarse entre órganos (Consellería de Infraestruturas e Vivenda e Sociedade Pública de Investimentos de Galicia, S.A.) dotados de personalidade xurídica propia e ser a Sociedade Pública de Investimentos de Galicia, S.A. medio propio e servizo técnico da Administración xeral da Comunidade Autónoma de Galicia e dos poderes adxudicadores dependentes dela.

– Prazo de vixencia: desde a súa sinatura, que tivo lugar o 9 de febreiro de 2018, ata o 31 de decembro de 2018.

– Supostos en que proceda a finalización anticipada da encomenda: incumprimento total ou parcial dalgunha das partes ou por mutuo acordo.

Santiago de Compostela, 9 de febreiro de 2018

Joaquín Macho Canales
Secretario xeral técnico da Consellería de Infraestruturas e Vivenda