1. Entidade adxudicadora. Datos xerais e datos para a obtención da información:
a) Organismo: entidade pública Portos de Galicia.
b) Dependencia que tramita o expediente: Departamento de Contabilidade e Tesourería.
c) Obtención de documentación e información:
1º. Dependencia: entidade pública Portos de Galicia. División de Contratación.
2º. Domicilio: praza de Europa, 5-A, 6º.
3º. Localidade e código postal: Santiago de Compostela 15707.
4º. Teléfono: 881 99 52 70.
5º. Correo electrónico: laura.gonzalez.gurgueiro@xunta.gal
6º. Enderezo da internet do perfil de contratante: o prego tipo de cláusulas administrativas particulares (PCAP), o de prescricións técnicas particulares (PPT) e o cadro de características do contrato (CCC) poderán obterse no seguinte enderezo da internet: http://www.contratosdegalicia.es/resultado.jsp?N=253220
Neste perfil poderase facer o seguimento das diversas fases do procedemento de contratación.
7º. Data límite de obtención de documentación e información: coincide coa data límite de presentación de ofertas, establecida no número 8.a) deste anuncio.
2. Obxecto do contrato.
a) Tipo: subministración.
b) Descrición: o presente contrato ten por obxecto a subministración de 34 vehículos, divididos en 3 lotes en función das diferentes características dos vehículos, coas especificacións técnicas recollidas no PPT, así como a recollida dos vehículos que se van substituír, que deberá levarse a cabo nas condicións indicadas no PPT.
c) División por lotes e número de lotes/número de unidades: o contrato divídese en 3 lotes, descritos no PPT. Lote nº 1: un (1) vehículo tipo turismo compacto de 5 portas. Lote nº 2: cinco (5) vehículos tipo turismo (3 volumes) de 4 portas. Lote nº 3: vinte e oito (28) vehículos tipo turismo utilitario compacto de 5 portas.
d) Lugar de execución/entrega: respecto ao lugar de entrega dos bens subministrados, así como o de retirada dos vehículos que se van substituír, observarase o disposto no número 20 do CCC e no PPT.
e) Prazo de execución/entrega: sesenta (60) días naturais, contados desde a data de formalización do contrato.
3. Tramitación e procedemento.
a) Tramitación: ordinaria e documentalmente simplificada.
b) Procedemento: aberto; sistema multicriterio.
c) Criterios de adxudicación: a oferta economicamente máis vantaxosa determinarase en virtude da aplicación dos criterios establecidos no punto 14.1.A/ do CCC, que serán valorados segundo o disposto no anexo II do CCC.
4. Valor estimado do contrato: 363.520,00 euros, IVE excluído.
5. Orzamento base de licitación:
a) Importe neto total: 363.520,00 euros. Importe neto por lotes: lote 1: 20.600,00 euros; lote 2: 73.000,00 euros; lote 3: 269.920,00 euros.
b) Importe total do IVE (21 %): 76.339,20 euros.
6. Garantías exixidas.
a) Provisional: non se exixe.
b) Definitiva: 5 % do orzamento de adxudicación, IVE excluído.
7. Requisitos específicos do contratista:
a) Clasificación: non procede.
b) Solvencia económica ou financeira e técnica e profesional: os licitadores deberán acreditar a súa solvencia conforme o disposto no número 9.2 do CCC.
c) Outros requisitos de capacidade: os licitadores deberán cumprir todos os demais requisitos que, de ser o caso, estean especificados tanto no PCAP como no PPT.
d) Requisitos específicos para exixir ao adxudicatario: os exixidos no número 9.4 do CCC.
8. Presentación de ofertas ou de solicitudes de participación:
a) Data límite de presentación: o prazo de presentación de proposicións finalizará ás catorce (14.00) horas do día 19 de marzo de 2018.
b) Lugar de presentación:
1º. Dependencia: Rexistro dos Servizos Centrais de Portos de Galicia.
2º. Domicilio: praza de Europa, 5-A, 6º.
3º. Localidade e código postal: Santiago de Compostela 15707.
Tamén poderán envialas por correo certificado dentro do prazo de admisión sinalado, conforme o disposto no artigo 80.4 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas, cumprindo cos requisitos establecidos na cláusula 4.4.1 do PCAP (teléfono 881 95 00 95; fax: 981 54 53 24).
Respecto da posibilidade de presentación de ofertas a través do Rexistro Xeral da Xunta de Galicia, observarase o disposto na cláusula 4.4.1 do PCAP.
c) Documentación que hai que presentar: a indicada na cláusula 4.5 do PCAP e no número 12 do CCC.
d) As proposicións presentaranse en dous (2) sobres pechados (A e C), de acordo co disposto nos números 12 e 30.3 do CCC. Deberá presentarse un sobre C por cada lote a que se opte.
e) Admisión de variantes: non se admite a súa presentación.
f) Melloras: poderán ofertarse melloras sobre as condicións mínimas obrigatorias indicadas no PPT, sempre que estas estean referidas a aqueles aspectos recolleitos no número 5 do CCC.
g) Prazo durante o cal o licitador estará obrigado a manter a súa oferta: dous (2) meses desde a apertura das proposicións económicas.
9. Apertura de ofertas:
a) Dirección: sala de xuntas da EPPG, praza de Europa, 5-A, 6º (Área Central, polígono das Fontiñas).
b) Localidade e código postal: Santiago de Compostela 15707.
c) Data e hora: a data e a hora de realización dos actos públicos de apertura dos sobres C e as de calquera outro acto público publicaranse, coa debida antelación, no perfil de contratante.
Se por algún motivo houbese que modificar a data de realización dalgún acto público, reflectirase a nova data no perfil de contratante.
10. Gastos de publicidade: os gastos que deriven da publicación deste anuncio serán por conta do adxudicatario.
11. Data de envío do anuncio ao Diario Oficial de la Unión Europea: 30.1.2018.
12. Outras informacións: a mesa, en cumprimento do disposto na cláusula 5.1.b.1 do PCAP, examinará e cualificará a documentación administrativa do sobre A e comunicará ao licitador e publicará no perfil de contratante os defectos observados, co fin de que, se fose o caso, se emenden dentro do prazo que se indique.
Santiago de Compostela, 30 de xaneiro de 2018
José Juan Durán Hermida
Presidente de Portos de Galicia