De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, tentada a notificación dos requirimentos de documentación emitidos pola xefatura territorial no último domicilio das persoas interesadas sen que esta se puidese practicar por causas non imputables á Administración, notifícaselles ás persoas citadas no anexo ou aos seus representantes para que no prazo de dez (10) días, contados desde o día seguinte ao da data de publicación deste anuncio no Boletín Oficial del Estado (BOE), acudan ao Servizo de Dependencia e Autonomía Persoal da Xefatura Territorial da Consellería de Política Social, na rúa Concepción Arenal, núm. 7 e 9 da Coruña, das 9.00 ás 14.00 horas, de luns a venres, para ter coñecemento do contido das ditas notificacións.

Transcorrido o prazo sen comparecer, a notificación entenderase producida a partir do día seguinte ao do vencemento do prazo indicado para comparecer.

Estes requirimentos outorgan as persoas interesadas un prazo de dez (10) días para a emenda das súas solicitudes. Transcorrido este prazo sen que se realizase a emenda, entenderase que as persoas interesadas desisten da súa solicitude, ao abeiro do disposto no artigo 71 da Lei 30/1992, do 26 de novembro, e procederase ao arquivo do expediente logo da resolución ditada nos termos do artigo 42.1 da dita lei.

A Coruña, 22 de novembro de 2017

María Francisca Gómez Santos
Xefa territorial da Coruña

ANEXO
Procedemento BS210A

Número expediente	Apelidos e nome	DNI	Contido do acto	Data do documento
CO SAAD12-15/580642/2008-45	Jiménez Jiménez, Carmen	71513534W	Requirimento de emenda da solicitude	12.9.2016
FE-17498	Gómez Núñez, Daniel	32688211J	Requirimento de emenda da solicitude	9.5.2016
FE-39932	Bouzas López, Daniel	32518022R	Requirimento de emenda da solicitude	23.8.2016
SC-44337	Rodríguez Martínez, Bernardino	33079162X	Requirimento de emenda da solicitude	8.9.2016
SC-50658	Andía Díaz, Mª Esther	33691341K	Requirimento de emenda da solicitude	26.9.2016