Advertidos erros na Orde do 27 de decembro de 2017 pola que se establecen as bases reguladoras das axudas ás entidades recoñecidas como agrupacións de defensa sanitaria gandeiras (ADSG) de Galicia e se convocan para o ano 2018-2019, publicada no Diario Oficial de Galicia número 12, do mércores 17 de xaneiro de 2018, é necesario efectuar as seguintes correccións:

Na páxina 3644, no artigo 23, punto 2), letra g) no primeiro paragrafo onde di: «Permitir a saída con destinos diferentes ao matadoiro de animais bovinos positivos a antíxeno de BVD sen proba de confirmación negativa ou confirmados como persistentemente infectados (PI) ou confirmados como positivos a paratuberculose, ou ben animais positivos a IBRgE.», debe dicir: «Permitir a saída con destinos diferentes ao matadoiro de animais bovinos positivos a antíxeno de BVD sen a proba de confirmación negativa ou confirmados como persistentemente infectados (PI) ou confirmados como positivos a paratuberculose».

Na páxina 3647, no artigo 23, punto 3), letra i) onde di: «Cando se detecte a saída con destinos diferentes do matadoiro, de animais bovinos positivos a antíxeno de BVD sen proba de confirmación negativa ou confirmados como PI ou confirmados como positivos a paratuberculose ou positivos a IBRgE,», debe dicir: «Cando se detecte a saída con destinos diferentes do matadoiro de animais bovinos positivos a antíxeno de BVD sen a proba de confirmación negativa ou confirmados como PI ou confirmados como positivos a paratuberculose».