Para os efectos previstos no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19.10.2013) e na Lei 21/2013, do 9 de decembro, de avaliación ambiental (BOE núm. 296, do 11.12.2013), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Proxecto básico e estudo de impacto ambiental para a solicitude de modificación substancial das instalacións de Cie Galfor, S.A.U. situadas en San Cibrao das Viñas (Ourense).
– Anexo 1: planos e esbozos.
– Anexo 5: estudo de patrimonio.
Para que calquera interesado poida consultalos e, se é o caso, formular no dito prazo as alegacións, suxestións ou observacións que xulgue convenientes. Os documentos estarán á disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental e Cambio Climático-Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais poderán consultalo na páxina web da Consellería de Medio Ambiente e Ordenación do Territorio (http://cmaot.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
Santiago de Compostela, 15 de novembro de 2017
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumo
Número de expediente: 2017-IPPC-M-36.
Peticionaria: Cie Galfor, S.A.U.
Domicilio social e localización da instalación: polígono industrial de San Cibrao das Viñas, rúa 2. 32901, San Cibrao das Viñas (Ourense).
Descrición da modificación:
A modificación consiste basicamente no seguinte:
– Ampliación da nave de almacenamento de produto terminado (APT).
– Ampliación de alpendre de preparación de carga para a expedición de produto terminado.
– Ampliación nave de almacén e corte de materia prima.
– Habilitación de nave de almacén de aceites e residuos.
– Externalización (desaparición) da sección de mecanizado.
– Inactivación de liña de coroas e pletinas.
– Inactivación parcial da liña de mangas.
– Habilitación de dúas novas liñas de cegoñais.