Virginia González Benedidt, letrada da Administración de xustiza do Xulgado de Primeira Instancia e Instrución número 1 de Vilagarcía de Arousa, fai saber que no presente procedemento ordinario número 260/2016, seguido por instancia de Caixabank, S.A. fronte a Antonio Joaquín Iglesias Pombo, María del Carmen González Núñez, Gaesco, S.L., se ditou sentenza do 25 de setembro de 2017, cuxa resolución é do teor literal seguinte:
Resolvo:
Que, estimando a demanda formulada polo procurador Sr. Portela Leirós, en nome de Caixabank, S.A. contra Gaesco, S.L., Antonio Joaquín Iglesias Pombo e María del Carmen González Núñez, condeno os demandados a aboar á demandante a cantidade de 31.473,4 euros, cos xuros ordinarios e moratorios que se devindiquen ata o completo pagamento do debido.
Impóñenselles as custas aos demandados.
Notifíquese esta resolución ás partes e fágaselles saber que non é firme e que contra ela poderán interpor recurso de apelación ante a Audiencia Provincial de Pontevedra, por medio dun escrito que deberán presentar neste xulgado, nun prazo de vinte días desde a súa notificación. Para a interposición do recurso será necesario constituír un depósito de 50 euros na conta de depósitos e consignacións deste xulgado, de conformidade co que establece a disposición adicional décimo quinta da LOPX, que será requisito para a súa admisión.
Así, por esta miña sentenza, o pronuncio, mando e asino, Sofía Leonor Castro Verdes, xuíza deste xulgado e do seu partido xudicial.
E ao estar os ditos demandados, Antonio Joaquín Iglesias Pombo, María del Carmen González Núñez e Gaesco, S.L., en paradoiro descoñecido, expídese este edicto co fin de que lles sirva de notificación en forma.
Vilagarcía de Arousa, 22 de novembro de 2017
A letrada da Administración de xustiza