DOG 244 do 27/12/2017 - RESOLUCIÓN do 11 de decembro de 2017 pola que se fai pública a formalización do contrato do servizo, non suxeito a regulación harmonizada, relativo á realización do stand e servizos complementarios para a participación desta axencia en feiras ou certames, mediante procedemento aberto, con pluralidade de criterios e documentalmente simplificado.

VI. Anuncios

a) Administración autonómica

Axencia Turismo de Galicia

RESOLUCIÓN do 11 de decembro de 2017 pola que se fai pública a formalización do contrato do servizo, non suxeito a regulación harmonizada, relativo á realización do stand e servizos complementarios para a participación desta axencia en feiras ou certames, mediante procedemento aberto, con pluralidade de criterios e documentalmente simplificado.

En cumprimento do disposto no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato administrativo:

1. Entidade adxudicadora:

a) Organismo: Axencia Turismo de Galicia.

b) Dependencia que tramita o expediente: Xerencia da Axencia Turismo de Galicia.

c) Enderezo da internet do perfil do contratante: http://www.contratosdegalicia.es

d) Data de publicación no perfil do contratante: 4 de xullo de 2017.

2. Obxecto do contrato:

a) Tipo de contrato: servizo.

b) Descrición do obxecto: realización dos traballos de deseño, realización, decoración, equipamentos, montaxe e desmontaxe, posta en funcionamento, mantemento, limpeza, equipación, seguros, transportes e almacenaxe do stand que utilizará a ATG para a súa presenza nas feiras ou certames, e servizo da xestión, pagamento, coordinación do aloxamento, transportes, loxística necesaria para as viaxes e estadías do persoal interno e externo designado pola ATG.

3. Tramitación e procedemento:

a) Tramitación: ordinaria.

b) Procedemento: aberto.

c) Forma de adxudicación: adxudicación baseada en pluralidade de criterios.

4. Orzamento base de licitación:

Importe sen IVE: 600.000,00 €.

IVE (21 %): 126.000,00 €.

Importe total (IVE incluído): 726.000,00 €.

5. Formalización do contrato:

a) Data de adxudicación: 20 de outubro de 2017.

b) Data de formalización do contrato: 20 de novembro de 2017.

c) Adxudicataria: Viajes El Corte Inglés, S.A., NIF A28229813.

d) Importe de adxudicación: importe sen IVE: 513.013,13 €.

e) Vantaxes da oferta adxudicataria: oferta economicamente máis vantaxosa ao obter a maior puntuación, en aplicación dos criterios de adxudicación establecidos no prego de cláusulas administrativas que rexe o procedemento.

Santiago de Compostela, 11 de decembro de 2017

Mª Nava Castro Domínguez
Directora da Axencia Turismo de Galicia