En cumprimento do disposto nos artigos 54 e 55 do Decreto 430/2001, do 18 de decembro, polo que se aproba o Regulamento do Rexistro de Cooperativas de Galicia, inscríbese o acordo de fusión por absorción das entidades Agris, S. Coop. Galega, Icos, S. Coop. Galega, Cogasar, S. Coop. Galega e Coelplan, S. Coop. Galega pola entidade Aira, S. Coop. Galega, que se transforma en cooperativa de primeiro grao, clase agraria. Do mesmo xeito, procédese á inscrición da modificación dos seus estatutos sociais. O novo capital social mínimo é de 200.000,00 euros. O seu novo obxecto social é a realización de todo tipo de operacións encamiñadas ao mellor aproveitamento das explotacións dos seus socios, dos seus elementos ou compoñentes e da cooperativa, e a mellora da poboación agraria e o desenvolvemento do medio rural, así como atender calquera outra finalidade ou servizo propio da actividade agrícola, gandeira ou forestal que estea relacionado directamente con ela.

Santiago de Compostela, 1 de decembro de 2017

Covadonga Toca Carús
Secretaria xeral de Emprego