De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas relacionadas no anexo os actos que se indican, logo de que fosen devoltos polo servizo de Correos, por resultaren descoñecidos os seus destinatarios ou porque, tentadas dúas veces as notificacións ou por seren rexeitadas, estas non se puideron efectuar.

Segundo se establece no artigo 46 da citada lei, os interesados dispoñen dun prazo de dez (10) días, contados a partir do seguinte ao da publicación deste anuncio no Boletín Oficial del Estado, para examinaren estes actos na sede desta xefatura territorial, situada na rúa Fernández Ladreda, 43, 4ª planta, de Pontevedra, das 9.00 ás 14.00 horas, de luns a venres.

Os actos foron adoptados por quen se indica no anexo.

Transcorrido o dito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.

Pontevedra, 10 de novembro do 2017

José Manuel González González
Xefe territorial de Pontevedra

ANEXO

Expediente	Interesado	Acto notificado	Acto adoptado por
PO-RES-2016-132	Miguel Ángel Pérez Lago	Proposta de resolución	O instrutor
PO-RES-2016-136	Juan José Conde Novoa	Resolución	O xefe territorial
PO-RES-2017-138	Neumáticos Fuentes Barreiro, S.L.	Incoación	O xefe territorial
PO-RES-2017-146	Talleres Seara, S.L.	Incoación	O xefe territorial