1. Entidade que adxudica: organismo: Concello de Vigo. Dependencia: Servizos de Parque Móbil, Patrimonio e Recursos Humanos. Nº de expediente: 5984-241.
2. Obxecto do contrato: a prestación ao Concello de Vigo e aos seus organismos autónomos dos servizos de mediación, corredoría e asesoramento profesional para a xestión dos riscos en que poida incorrer esta Administración.
Lugar de execución: Vigo.
Prazo de execución: 2 anos. Prórroga: non.
3. Tramitación e procedemento:
Tramitación: ordinaria.
Procedemento: aberto.
4. Valor estimado do contrato: 154.605,84 €.
5. Garantías exixidas. a) Provisional: non se exixe. b) Complementaria: non. c) Definitiva: 3.534,28 €.
6. Obtención da documentación e información: www.vigo.org (perfil do contratante). Teléfono 986 81 01 48. Fax 986 22 62 06.
Data límite para solicitar documentación: ata sete (7) días antes do día de finalización do prazo de presentación de proposicións.
7. Requisitos específicos do contratista: a) Solvencia económica e financeira: copia da póliza do seguro de riscos profesionais por un importe mínimo de 1.500.000 de euros por sinistro e de 2.000.000 € para todos os sinistros correspondentes a un determinado ano. b) Solvencia técnica e profesional: unha relación dos principais contratos de seguros intermediados no sector público ou privado nos últimos tres anos que inclúa o importe das pólizas intervidas, datas e tomadores dos seguros, sendo o importe das pólizas intervidas igual ou superior a 10.000.000 euros. Os servizos ou traballos efectuados acreditaranse mediante certificados expedidos ou visados polo órgano competente, cando o destinatario sexa unha entidade do sector público; cando o destinatario sexa un suxeito privado, mediante un certificado expedido por este ou, por falta deste certificado, mediante unha declaración do empresario.
8. Presentación de ofertas: prazo: o prazo rematará aos 15 días seguintes ao da última publicación do presente anuncio no BOP ou no DOG.
Documentación: a exixida nas cláusulas 13 e 14 do prego de condicións administrativas.
Lugar de presentación: Rexistro Xeral do Concello de Vigo, Pza. do Rei, nº 1, 36202 Vigo, ata as 13.30 horas do último día de prazo.
Admisión de melloras: non.
Prazo da obriga de manter a oferta: dous meses contados desde o día da apertura de proposicións.
9. Apertura de ofertas técnica e económica: entidade, domicilio e localidade: véxase o punto 6 do anuncio.
Data e hora: anunciarase no perfil do contratante do Concello de Vigo.
10. Outras informacións:
11. Páxina web para a obtención de información: www.vigo.org.
Vigo, 17 de novembro de 2017
O alcalde
P.D. (Decreto e Acordo do 19.6.2015)
David Regades Fernández
Concelleiro delegado de Contratación