O Concello Pleno, en sesión que tivo lugar o día 26 de outubro de 2017, acordou aprobar definitivamente a modificación do estudo de detalle para a ordenación de volumes da parcela K1.1 en relación coa parcela segregada K1.11 do parque empresarial As Gándaras, solicitado por Inversión y Administración Inmobiliaria BP, S.L.
O contido íntegro do documento aprobado poderase consultar no seguinte enderezo electrónico:
– http://lugo.gal/gl/actuacions/normativa-urbanistica
Así mesmo, faise constar que, unha vez publicado este anuncio, se lle remitirá á Consellería de Medio Ambiente e Ordenación do Territorio unha copia dilixenciada, en soporte dixital, do documento aprobado definitivamente, para os efectos previstos nos artigos 82.4 e 88.3 da Lei 2/2016, do solo de Galicia.
Contra este acordo, que é definitivo en vía administrativa, poderase interpor no prazo de dous meses recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Lugo, 16 de novembro de 2017
A alcaldesa
P.D. (Decreto número 16008543)
Xosé Daniel Piñeiro Villares
Tenente de alcalde delegado da Área de Desenvolvemento Sostible e Persoal
Justo Díaz Rodríguez
Secretario xeral do Pleno accidental