No DOG núm. 196, do 16 de outubro de 2017, publicouse a Resolución do 5 de outubro de 2017, da Dirección Xeral de Recursos Económicos do Servizo Galego de Saúde, pola que se anuncia a licitación da contratación da obra de implantación de resonancia magnética no Complexo Hospitalario Universitario de Ourense (expediente AB-SER3-17-049).
No número 16 da resolución establecíase que as proposicións se deberán presentar en sobres pechados, no Rexistro Xeral da Consellería de Sanidade/Servizo Galego de Saúde (Edificio Administrativo San Lázaro, s/n, 15703 Santiago de Compostela), ata o décimo quinto (15º) día natural a partir do seguinte ao da publicación desta contratación no Diario Oficial de Galicia ou por correo na forma indicada no artigo 80.4 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas. Cando o último día para a presentación de ofertas coincida en sábado ou en día inhábil, o prazo prorrogarase ata o primeiro día hábil seguinte.
No artigo 159 do RDL 3/2011, do 14 de novembro, polo que se aproba o texto refundido da Lei de contratos do sector público, establécese que o prazo para a presentación de proposicións nos contratos de obras das administracións públicas que non estean suxeitos a regulación harmonizada será, como mínimo, de vinte e seis días.
Unha vez vencido o prazo de presentación de ofertas, procede abrir un novo prazo completo de vinte e seis (26) días. O obxecto do contrato e toda a documentación do prego de cláusulas administrativas particulares e o prego de prescricións técnicas permanece inalterado. O acceso aos pregos e ao proxecto poderanse obter no perfil do contratante http://www.sergas.es/ e no https://www.contratosdegalicia.gal.
Lugar e prazo de presentación de proposicións: deberanse presentar en sobres pechados, no Rexistro Xeral da Consellería de Sanidade/Servizo Galego de Saúde (Edificio Administrativo San Lázaro, s/n, 15703 Santiago de Compostela), ata o vixésimo sexto (26º) día natural a partir do seguinte ao da publicación desta contratación no Diario Oficial de Galicia ou por correo na forma indicada no artigo 80.4 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas. Cando o último día para a presentación de ofertas coincida en sábado ou en día inhábil, o prazo prorrogarase ata o primeiro día hábil seguinte.
Santiago de Compostela, 10 de novembro de 2017
María Jesús Piñeiro Bello
Directora xeral de Recursos Económicos
