Vistos os expedientes instruídos para os efectos de transmisión das bateas Manuel I e Ovidio Otero I, e das concesións administrativas que as amparan, resulta:
a) Antecedentes.
Primeiro. Mediante escritos do 26 de xullo de 2017, Manuel Otero Oubiña (35416711T) e María Teresa Iglesias Pardavila (35417726A) solicitaron autorización para a transmisión mortis causa, mediante pacto de mellora, das concesións administrativas e das bateas Manuel I e Ovidio Otero I.
Segundo. Os interesados achegaron a documentación requirida para a tramitación.
Terceiro. Os informes do Servizo de Protección dos Recursos sobre as características das bateas e do Servizo de Planificación e Xestión da Acuicultura sobre a tramitación dos expedientes son favorables.
b) Consideracións legais e técnicas.
Primeira. Este órgano é competente para resolver os expedientes, de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro) e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia (DOG número 180, do 21 de setembro).
Segunda. A Lei 2/2006, do 14 de xuño, de dereito civil de Galicia (DOG número 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.
Terceira. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999, pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, a proposta de resolución elaborada polo Servizo de Recursos Mariños, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión mortis causa, mediante pacto de mellora, a favor de Manuela Otero Iglesias (35448408A), das concesións administrativas e das bateas que se indican a seguir:
Identificación:
Tipo: batea.
Nome: Manuel I.
Situación:
Cuadrícula número: 17.
Polígono: A.
Distrito: Cambados (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 7.9.1970.
Remate da vixencia: 15.12.2019.
Actuais titulares: Manuel Otero Oubiña (35416711T) e María Teresa Iglesias Pardavila (35417726A).
Nova titular: Manuela Otero Iglesias (35448408A).
Identificación:
Tipo: batea.
Nome: Ovidio Otero I.
Situación:
Cuadrícula número: 8.
Polígono: B.
Distrito: Cambados (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 17.5.1972.
Remate da vixencia: 15.12.2019.
Actuais titulares: Manuel Otero Oubiña (35416711T) e María Teresa Iglesias Pardavila (35417726A).
Nova titular: Manuela Otero Iglesias (35448408A).
A nova titular das concesións subrógase nos dereitos e obrigas dos anteriores desde o momento de formalización da mellora en escritura pública.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 16 de outubro de 2017
A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo
