Logo de intentar en tempo e forma a práctica das notificacións que se relacionan no anexo sen que fose posible por causas non imputables á Administración, e tendo en conta que a publicación do seu contido íntegro pode lesionar dereitos e intereses lexítimos, de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, por medio deste anuncio notifícaselles ás persoas interesadas que se sinalan no anexo, ou ao seu representante, o acto administrativo citado no anexo.

Para coñeceren o contido íntegro do acto que se notifica, as persoas interesadas, ou o seu representante debidamente acreditado, poderán comparecer, no prazo de dez (10) días contados desde o seguinte ao da publicación deste anuncio no Boletín Oficial del Estado, nas dependencias do órgano de valoración da Dependencia de Vigo, sitas na rúa Numancia, nº 3 , 36206 Vigo, das 9.00 ás 14.00 horas, de luns a venres. Transcorrido o prazo sen efectuarse a comparecencia, a notificación entenderase producida a partir do día seguinte ao do vencemento do prazo indicado para comparecer.

Advírtese que, de non presentarse á cita para o recoñecemento que se notifica, e de conformidade co establecido no artigo 27.3 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito á prestacións do sistema para a autonomía e atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes, e no artigo 95 da Lei 39/2015, do 1 de outubro, unha vez transcorridos tres meses sen realizar as actividades necesarias para continuar coa tramitación, producirase a caducidade do procedemento pola paralización imputable ao interesado e acordarase o arquivamento das actuacións, logo da resolución que será notificada ao interesado.

Vigo, 25 de outubro de 2017

Marta Iglesias Bueno
Xefa territorial de Vigo

ANEXO

Nº de expediente	Apelidos e nome (DNI)	Acto obxecto de notificación	Data do documento
VI-0000057858	Bautista Gómez, María (35517247A)	Citación BS210A	28.7.2017
VI-0000058256	Pérez Vázquez, Elvira (22558134X)	Citación BS210A	14.9.2017
VI-0000058317	Losada Villa, Manuel (31117178H)	Citación BS210A	10.7.2017
VI-0000058763	López Díaz, Victoria (00100731Z)	Citación BS210A	7.9.2017
VI-0000058796	González Costa, Enma (53861576S)	Citación BS210A	14.9.2017