De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á encomenda coas seguintes características:

Resolución do 23 de outubro de 2017, da Consellería do Mar, pola que se acorda prorrogar o prazo de execución ao medio propio Empresa Pública de Servizos Agrarios, S.A. (Seaga), para a realización dos traballos correspondentes ao proxecto de conservación e restauración da biodiversidade e dos ecosistemas mariños no marco de actividades marisqueiras sustentables para o período 2017-2018.

– Actividade: traballos de administración relacionados no prego de prescricións técnicas para o proxecto de conservación e restauración da biodiversidade e dos ecosistemas mariños.

– Natureza e alcance da xestión encomendada: encomenda de xestión a medios propios ao ter a Empresa Pública de Servizos Agrarios, S.A. (Seaga) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia: ata o 31.7.2018.

– Financiamento: tramitouse con cargo aos orzamentos da Comunidade Autónoma de Galicia para os anos 2017 e 2018, aplicación orzamentaria 14.03.723A.604.2, e foi cofinanciada polo Fondo Europeo Marítimo e de Pesca nun 75 % (prioridade 1, fomentar unha pesca sustentable), na medida 1.2.1 (protección e recuperación da biodiversidade e dos ecosistemas mariños), sen que esta prórroga supoña incremento do orzamento asignado á encomenda inicial.

Santiago de Compostela, 2 de novembro de 2017

Mª Isabel Concheiro Rodríguez-Segade
Secretaria xeral técnica da Consellería do Mar