En cumprimento do establecido no artigo 28 do Decreto 111/2015, do 6 de agosto, polo que se aproba o Regulamento de organización e de funcionamento do Consello de Comunidades Galegas, coa conformidade do presidente da Xunta de Galicia,
RESOLVO:
Facer pública a convocatoria e a orde do día da reunión da Comisión Delegada do Consello de Comunidades Galegas, que terá lugar os días 12 e 13 de decembro de 2017 nunha localidade da provincia de Ourense.
Santiago de Compostela, 2 de novembro de 2017
Antonio Rodríguez Miranda
Secretario xeral da Emigración
ANEXO
Orde do día da reunión da Comisión Delegada do Consello de Comunidades Galegas, que terá lugar os vindeiros 12 e 13 de decembro de 2017, nunha localidade da provincia de Ourense.
1. Constitución da comisión e apertura da sesión.
2. Exposición das liñas de actuación da Secretaría Xeral da Emigración no ano 2017.
3. Presentación do borrador do Plan integral da emigración 2017-2020.
4. Presentación das liñas de actuación en materia de emigración para o ano 2018.
5. Informe das atribucións que o Decreto 111/2015, do 6 de agosto, lle atribúe á Comisión Delegada.
6. Rolda de intervencións.
7. Clausura da reunión.