Con data do 25 de setembro de 2017, o conselleiro de Sanidade ditou resolución do recurso de alzada do expediente sancionador número 2016386AM-PO, incoado na Xefatura Territorial de Pontevedra á entidade Complejo Vialmar, S.L.
Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle á entidade Complejo Vialmar, S.L., o contido da resolución que figura como anexo, para que poida ter coñecemento dela.
Así mesmo, fáiselle saber o dereito que a asiste para interpor recurso contencioso-administrativo ante o xulgado competente no prazo de dous meses, contado desde o día seguinte á publicación da presente cédula, segundo o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, lembrándolle o seu dereito a consultar o expediente, depositado nas dependencias dos servizos centrais, no Servizo Técnico Xurídico (Secretaría Xeral Técnica), situado no terceiro andar do Edificio Administrativo San Lázaro, en Santiago de Compostela e obter, de ser o caso, copia del, segundo o previsto na letra a) do artigo 35 da citada Lei 30/1992, do 26 de novembro.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da xa citada Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Santiago de Compostela, 18 de outubro de 2017
Andrés Paz-Ares Rodríguez
Director xeral de Saúde Pública
ANEXO
Número de expediente: 2016386AM-PO.
Interesada: Complejo Vialmar, S.L.
Documento de identificación: B36367878.
Último enderezo coñecido: lugar de Saramagoso, San Martiño, 36637 Meis, Pontevedra.
Feito imputado: infracción da lexislación aplicable en materia sanitaria.
Tipificación: grave.
Resolución: desestimatoria do recurso.
