Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Electra Alto Miño Distribuidora de Energía, S.L.

Domicilio social: polígono industrial Chan da Ponte, parcela 19, 36450 Salvaterra de Miño.

Denominación: reforma do centro de protección Salvaterra.

Situación: Salvaterra de Miño.

Descricións técnicas: reforma do centro de protección Salvaterra consistente na instalación de catro celas de manobra e un tramo de 55 metros de liña de acometida, con condutor RHZ1. A instalación está situada na rúa Fonte da Vila en Salvaterra de Miño.

Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edifico Administrativo na avenidada Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 19 de outubro de 2017

Ignacio Rial Santomé
Xefe territorial de Pontevedra