No 4 de outubro de 2017, no BOP núm. 191, no DOG núm. 189 e no perfil do contratante do Concello do Porriño, publicouse o anuncio da licitación da prestación do servizo de limpeza no multiúsos de Torneiros; e abríase o prazo de presentación de ofertas a partir do día seguinte á citada data.

Detectado un erro na publicación do prego técnico, que non se corresponde co aprobado definitivamente, débese proceder á súa publicación correcta no perfil do contratante, dando a debida publicidade no BOP e no DOG e ampliando o prazo de presentación de ofertas durante 15 días a partir da data da última publicación deste anuncio de corrección de erros.

Aqueles licitadores que xa presentasen ofertas poderán recollelas ou enviar unha nova e a anterior quedará arquivada sen efectos.

O Porriño, 17 de outubro de 2017

Eva García de la Torre
Alcaldesa