Unha vez emitido informe favorable á proposta de deslindamento co predio pertencente a José Luis Riobo Gil presentada pola Comunidade de Montes Veciñais en Man Común de Trasmañó, concello de Redondela, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar a data do 30 de novembro de 2017 ás 10.00 horas para o comezo das operacións de apeo, que comezarán no lugar de Eirado da Vella, parroquia de Trasmañó, concello de Redondela.

Emprázanse os estremeiros e as persoas que acrediten un interese lexítimo para que asistan ao mencionado acto.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os estremeiros que desexen comparecer, presenten alegacións e os títulos que acrediten a propiedade no lugar de Eirado da Vella, parroquia de Trasmañó, concello de Redondela.

O que se fai público para xeral coñecemento.

Pontevedra, 10 de outubro de 2017

Antonio Crespo Iglesias
Xefe territorial de Pontevedra