1. Entidade adxudicadora.
a) Organismo: Axencia para a Modernización Tecnolóxica de Galicia.
b) Dependencia que tramita o expediente: Departamento de Contratación.
c) Número de expediente: 2017/PA/0084.
2. Obxecto do contrato.
a) Descrición do obxecto: é obxecto desta contratación o deseño, desenvolvemento e posta en marcha do sistema de recolleita de elementos de toponimia (incluíndo microtoponima). Inclúese nesta actividade o deseño conceptual e tecnolóxico do sistema, a construción do sistema, integración cos compoñentes transversais corporativos de presenza na web e de sistemas de información xeográfica, participación na instalación nas contornas tecnolóxicas corporativas da Xunta de Galicia, a implantación e posta en marcha efectiva, adecuación e mellora do sistema durante o período de postimplantación, participación nas tarefas de implantación e difusión do uso do sistema.
b) División por lotes e número: non.
c) Prazo de execución: o prazo de execución para a prestación do servizo obxecto do presente contrato será de 10 meses a contar a partir do 15 de novembro de 2017. Se a data de formalización do contrato é posterior a esta última, o prazo de execución de 10 meses computarase desde a data de formalización do contrato.
d) Admisión de prórroga: si.
3. Tramitación e procedemento de adxudicación.
a) Tramitación: tramitación ordinaria, documentalmente simplificada.
b) Procedemento: aberto.
4. Valor estimado: 114.790,00 euros (sen IVE).
5. Orzamento de licitación: o orzamento máximo autorizado é de 88.300,00 euros, máis 18.543,00 euros, que corresponden ao IVE (21 %), o que supón un total de 106.843,00 euros, que se distribúe nas seguintes anualidades:
– 2017: 13.245,00 € + 21 % IVE (2.781,45 €) = 16.026,45 €.
– 2018: 75.055,00 € + 21 % IVE (15.761,55 €) = 90.816,55 €.
6. Garantía provisional: non se exixe.
7. Obtención da documentación e da información.
a) Entidade: Axencia para a Modernización Tecnolóxica de Galicia.
b) Enderezo: Monte Gaiás, s/n.
c) Localidade e código postal: Santiago de Compostela 15781.
d) Teléfono: 981 54 52 86.
e) Fax: 981 54 52 74.
f) Perfil do contratante: http://www.contratosdegalicia.gal/resultado.jsp?N=213781
g) Data límite de obtención de documentos e da información: ata o último día de presentación das proposicións.
8. Requisitos específicos do contratista.
a) Solvencia e clasificación: véxase a letra N) do prego de cláusulas administrativas particulares.
9. Presentación de ofertas.
a) Data límite de presentación: o prazo de admisión de proposicións rematará o día que resulte de contar quince (15) días naturais a partir do seguinte ao da publicación deste anuncio no Diario Oficial de Galicia. Se o día de finalización do prazo é festivo ou inhabil, prorrogarase ata o primeiro día hábil seguinte.
b) Documentación que deberá presentarse: a indicada no prego de cláusulas administrativas particulares.
c) Lugar de presentación:
– Entidade: Rexistro da Amtega.
– Dirección: Edificio Cinc, Monte Gaiás, s/n.
– Localidade e código postal: Santiago de Compostela 15781.
Cando a proposición se envíe por correo, deberá cumprirse o establecido no punto 11 das disposicións xerais do prego de cláusulas administrativas particulares.
d) Admisión de variantes: non se admiten.
10. Apertura das ofertas.
O lugar, día e hora de apertura da documentación relativa aos sobres B e C indicarase no perfil do contratante.
11. Criterios que servirán de base para a adxudicación do contrato e a súa ponderación: os sinalados na letra K da folla de especificacións do prego de cláusulas administrativas particulares.
12. Gastos dos anuncios: serán por conta do adxudicatario.
Santiago de Compostela, 18 de outubro de 2017
Mar Pereira Álvarez
Directora da Axencia para a Modernización Tecnolóxica de Galicia