Advertida a existencia dun erro de feito no expediente 17/42, con data do 14 de setembro de 2017, o conselleiro maior aprobou a seguinte resolución:

«1. Corrixir o erro de feito detectado no prego de cláusulas administrativas particulares que forma parte do expediente que para a contratación do servizo de vixilancia do edificio sede da institución para os exercicios 2017 e 2018 foi aprobado pola Resolución do 8 de xuño de 2017, e para a cal foi anunciada a licitación mediante resolución publicada no DOG núm. 116, do 20 de xuño de 2017. O erro afecta a transcrición da fórmula de valoración do prezo, e deberá substituírse a erroneamente transcrita no prego - Pv=(Tl-Ov)*(10(Tl-R)- pola efectivamente empregada para determinar a redacción do documento - Pv=(Tl-Ov)*(10/(Tl-R).

2. Reiniciar o procedemento de adxudicación do contrato, dispondo a nova apertura do prazo de presentación de proposicións, coas condicións que resultan do anuncio de licitación publicado no DOG núm. 116, do 20 de xuño de 2017 e no expediente de contratación aprobado dispoñible no perfil de contratante da institución, ao cal se agregará a versión corrixida do citado prego».

Santiago de Compostela, 18 de setembro de 2017

José Antonio Redondo López
Conselleiro maior do Consello de Contas de Galicia