Mediante Resolución do 13 de setembro de 2017, o presidente de Portos de Galicia, en virtude das competencias conferidas polo artigo 6.3.g) da Lei 5/1994, do 29 de novembro, de creación da entidade pública Portos de Galicia, no artigo 9.h) do Decreto 227/1995, do 20 de xullo, polo que se aproba o Regulamento da entidade pública, e sobre a base do disposto no segundo parágrafo do artigo 151.3 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e na proposta formulada pola mesa de contratación, na súa xuntanza do 12 de setembro de 2017, resolveu declarar deserto o procedemento aberto, publicado no DOG número 100, do 29 de maio de 2017, para a selección de oferta para a tramitación da concesión administrativa de ocupación do dominio público portuario con destino ao desenvolvemento das actividades portuarias inherentes á explotación e xestión da lonxa no porto da Guarda, por falta de licitadores admitidos, ao resultar inadmitida a única oferta presentada.
Contra a presente resolución, que pon fin á vía administrativa, poderase interpoñer recurso contencioso-administrativo ante o xulgado do contencioso-administrativo no prazo de dous meses contados desde o día seguinte ao da notificación da presente resolución, ou potestativamente, recurso de reposición perante o mesmo órgano que a ditou, no prazo dun mes contado desde o día seguinte ao da recepción da presente resolución (artigos 123 e 124 da Lei 39/2015, do 1 de outubro, do procedemento administrativo común das administracións públicas).
O que se fai público en cumprimento do disposto no artigo 45 da Lei 39/2015.
Santiago de Compostela, 13 de setembro de 2017
José Juan Durán Hermida
Presidente de Portos de Galicia