En cumprimento das funcións que lle están atribuídas a esta Dirección Xeral de Gandaría, Agricultura e Industrias Agroalimentarias, e para coñecemento xeral, acórdase publicar a relación das sociedades agrarias de transformación constituídas e disoltas conforme o Real decreto 1776/1981, do 3 de agosto, e a orde da Consellería, Agricultura, Gandería e de Montes, do 29 de abril de 1988, inscritas no Rexistro de SAT de Galicia.
A) Constitucións.
a) A Sociedade Agraria de Transformación Horta Natural A Ribeira, SAT nº 1433 XUGA, de responsabilidade limitada e duración indefinida, con domicilio social na Ribeira (Vilapol), Lourenzá (Lugo). Obxecto social: explotación de invernadoiros de plantas de horta. Capital social: 3.100 euros, representados por 3.100 títulos nominativos de 1 euro cada un deles. Número de socios: 4. Xunta rectora integrada por: Manuel Rodríguez García, presidente; Josefa Fraga López, secretaria; José Luis Piñeiro Reja e María Luisa González García, vogais.
B) Disolucións.
a) A Sociedade Agraria de Transformación Caminero, SAT nº 1035 XUGA, na asemblea xeral do 30 de xuño de 2017, tomou o acordo de disolver a SAT e nomear a comisión liquidadora.
b) A Sociedade Agraria de Transformación Xoios, SAT nº 1041 XUGA, na asemblea xeral do 3 de marzo de 2017, tomou o acordo de disolver a SAT e nomear a comisión liquidadora.
Santiago de Compostela, 8 de setembro de 2017
Belén Mª do Campo Piñeiro
Directora xeral de Gandaría, Agricultura e Industrias Agroalimentarias