Conforme o establecido no artigo 17 da Orde do 15 de maio de 2017 pola que se aproban as bases reguladoras da concesión de subvencións, en réxime de concorrencia competitiva, para a execución de proxectos de acción humanitaria no exterior e se procede á súa convocatoria para o ano 2017, unha vez ultimada a concesión de axudas, publicarase no Diario Oficial de Galicia a relación das concedidas, con indicación das entidades beneficiarias, contía e finalidade.
Na súa virtude,
RESOLVO:
Publicar no Diario Oficial de Galicia as axudas concedidas pola Resolución do director xeral de Relacións Exteriores e coa Unión Europea do 1 de agosto de 2017, de conformidade coa disposición adicional primeira da Orde do 15 de maio de 2017 (DOG núm. 101, do 30 de maio) para a execución de:
– 5 proxectos de acción humanitaria no exterior que executarán as organizacións non gobernamentais de cooperación ao desenvolvemento (ONGD), por un importe global de trescentos mil euros (300.000 €), nas contías, beneficiarios e finalidade que se relacionan no anexo desta resolución.
Santiago de Compostela, 29 de agosto de 2017
Jesús Gamallo Aller
Director xeral de Relacións Exteriores e coa Unión Europea
ANEXO
Axudas para proxectos de acción humanitaria no exterior
Nº expte. |
Entidade solicitante |
Denominación do proxecto |
Orzamento total |
Subvención concedida |
PR 811A |
Médicos del Mundo |
Resposta sanitaria e psicosocial ás poboacións beduínas en situación de emerxencia na periferia de Xerusalén (área E1) e área C do Gobernorado de Xericó, Territorios Ocupados Palestinos |
73.700,00 |
70.000,00 |
PR 811A |
Fundación Entreculturas Fe y Alegría |
Aliviar o sufrimento e reforzar a capacidade de resiliencia das persoas refuxiadas máis vulnerables en Maban (Sur Sudán) |
78.792,73 |
69.950,00 |
PR 811A |
Farmacéuticos Mundi |
Saúde, xénero e refuxio: garantir a asistencia básica á saúde da poboación refuxiada urbana en Nairobi, con énfases na promoción dos DSR de mulleres e menores de 5 anos. Kenya |
53.657,20 |
49.998,00 |
PR 811A |
Fundación Unicef-Comité Galicia |
Proporcionar acceso á auga potable e segura ás poboacións máis vulnerables das rexións de Etiopía afectadas pola seca |
120.000,00 |
70.000,00 |
PR 811A |
AIDA, Ayuda Intercambio y Desarrollo |
Redución da vulnerabilidade das persoas refuxiadas a causa do conflito sirio e da poboación de acollida no Líbano, priorizando as persoas que precisan dunha atención especial |
81.916,00 |
40.052,00 |
Total convocatoria |
408.065,93 |
300.000,00 |