1. Entidade adxudicadora: Concello de Pontevedra, rúa Michelena núm. 30, 36071 Pontevedra. Órgano de contratación: Xunta de Goberno Local.

2. Obxecto: a concesión do servizo de abastecemento de auga potable e saneamento do Concello de Pontevedra.

3. Procedemento e forma: aberto con criterios de dous tipos.

4. Valor estimado: 213.501.225 €, IVE excluído.

5. Garantía provisional: non se precisa. Garantía definitiva: 5 % do prezo de adxudicación do contrato, IVE excluído.

6. Obtención de documentación e información: Servizo de Contratación, Concello de Pontevedra, Michelena 30, 36071 Pontevedra. Tfno.: 986 80 43 29. Fax: 886 21 28 43. www.pontevedra.gal.

7. Presentación de ofertas: cláusulas 18 e 19 e anexo ao prego de cláusulas administrativas particulares.

8. Criterios de adxudicación e apertura de ofertas: segundo se especifica nos pregos.

• Cuantificable por xuízo de valor: proxecto de organización, metodoloxía de xestión e mellora, plan de información e sensibilización (ver o anexo do PCAP).

• Avaliables automaticamente: execución de investimentos, custo unitario total, canon inicial.

Asemade, sométese á información pública o anteproxecto de explotación, incluíndo o estudo de viabilidade, durante un mes, mediante o anuncio no Boletín Oficial da provincia e no perfil do contratante do Concello de Pontevedra. Durante o período de información pública calquera persoa interesada poderá acceder e ver o anteproxecto, incluindo o estudo de viabilidade, así como o expediente de que forman parte e formular cantas alegacións consideren oportunas. Unha vez presentadas as alegacións ou observacións, de ser o caso, a Xunta de Goberno Local resolveraas. Non obstante, a súa presentación non suspenderá a tramitación do expediente de contratación. O anteproxecto de explotación, incluíndo o estudo de viabilidade, poderá consultarse na sede electrónica do Concello de Pontevedra (sede.pontevedra.gal) e o expediente co anteproxecto e estudo estará dispoñible para consulta no Servizo de Contratación do Concello (rúa Michelena 30, primeiro andar, 36071 Pontevedra).

Pontevedra, 21 de agosto de 2017

Miguel Anxo Fernández Lores
Alcalde