A Orde do 21 de febreiro de 2008 (DOG nº 45, do 4 de marzo) pola que se crea a Comisión Consultiva Tripartita da Inspección de Traballo e Seguridade Social establece no seu artigo 1 a creación da dita comisión como órgano colexiado asesor da Comisión Territorial da Inspección de Traballo e Seguridade Social da Comunidade Autónoma de Galicia.
Concretamente no seu artigo 2 establécese a composición e o procedemento de designación das persoas membros da Comisión Consultiva Tripartita da Inspección de Traballo e Seguridade Social.
Producidos cambios na organización empresarial Confederación de Empresarios de Galicia- CEG e nas organizacións sindicais Confederación Intersindical Galega CIG e Sindicato Nacional de Comisións Obreiras CC.OO., e conforme o previsto no artigo 2.4 da devandita orde realízanse as propostas de nomeamento das persoas titulares e suplentes por parte das anteditas organizacións empresariais e sindicais.
En consecuencia, no exercicio das atribucións conferidas de conformidade co disposto no artigo 34 da Lei 1/1983, do 22 de febreiro, de normas reguladoras da Xunta e da súa Presidencia,
RESOLVO:
Artigo único. Substitución de vogais
1. Nomear como vogal da Comisión Consultiva Tripartita da Inspección de Traballo e Seguridade Social de Galicia, por proposta da organización empresarial, a persoa que se relaciona a continuación:
– Pola Confederación de Empresarios de Galicia-CEG.
Titular: Marina Graña Bermúdez.
2. Nomear como vogais da Comisión Consultiva Tripartita da Inspección de Traballo e Seguridade Social de Galicia, por proposta das organizacións sindicais, as persoas que se relacionan a continuación:
– Por proposta da Confederación Intersindical de Galicia-CIG.
Titular: Francisco X. Cartelle Pérez.
Suplente: Francisco Xavier González Sio.
– Por proposta do Sindicato Nacional de Comisións Obreiras-CC.OO.
Titular: Maica Bouza Seoane.
Suplente: Carmen Adela Sabio Sanz.
Disposición derradeira única. Entrada en vigor
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 17 de agosto de 2017
Francisco José Conde López
Conselleiro de Economía, Emprego e Industria
