Unha vez aprobado inicialmente, por acordo do Pleno do día 23 de febreiro de 2017, o proxecto de delimitación de solo de núcleo rural de Valos, na parroquia de Lestedo, no Concello de Palas de Rei, de acordo co artigo 78 da Lei 2/2016, do 10 de febreiro, do solo de Galicia, sométese a información pública por un prazo de 2 meses, contado desde o día seguinte ao da publicación deste anuncio no Diario Oficial de Galicia e nos xornais La Voz de Galicia e El Progreso.

Durante ese prazo, calquera interesado poderá examinalo nas dependencias municipais para formular as alegacións que considere pertinentes.

Palas de Rei, 12 de xullo de 2017

Pablo José Taboada Camoira
Alcalde