Para os efectos previstos no artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) acórdase darlles publicidade aos convenios de colaboración subscritos polo Instituto Enerxético de Galicia (Inega) no segundo cuadrimestre do ano 2017 e que se relacionan no anexo a esta resolución.
Santiago de Compostela, 1 de setembro de 2017
Ángel Bernardo Tahoces
Director do Instituto Enerxético de Galicia
ANEXO
Nº: 1.
Título: Convenio de colaboración entre o Instituto Enerxético de Galicia (Inega), o Concello de Ourense e a Fundación Centro Tecnológico de Eficiencia y Sostenibilidad Energética (Energylab), para a elaboración do anteproxecto Ecourense-proxecto integral de aforro e eficiencia enerxética no concello de Ourense.
Obxecto: comprende diversas liñas de actuación a nivel de edificios, alumeado público, mobilidade sostible, de xeración de enerxía a partir de fontes renovables e a implantación de sistemas de control e xestión intelixentes.
Sinatura: 21 de xuño de 2017.
Importe: 63.817,82 €.
Nº: 2.
Título: Convenio de colaboración entre o Instituto Enerxético de Galicia (Inega), e a Fundación Sotavento Galicia, para a realización de actuacións de impulso e divulgación en materia de enerxías renovables e de aforro e eficiencia enerxética no parque eólico experimental Sotavento.
Obxecto: establecer as bases da colaboración entre o Inega e a Fundación Sotavento Galicia para a realización de actividades coa finalidade de impulsar e divulgar as enerxías renovables e o aforro e eficiencia enerxética, así como difundir o carácter experimental e de demostración con que están concibidas as instalacións do parque eólico experimental Sotavento, para a divulgación deste tipo de tecnoloxías entre a colectividade.
Sinatura: 12 de xullo de 2017.
Importe: 20.000 €.
Nº: 3.
Título: Convenio de colaboración entre o Instituto Enerxético de Galicia (Inega), o Instituto Galego de Consumo e da Competencia (IGCC) e a Fundación Sotavento Galicia, para a realización en concellos galegos e mediante redes sociais dunha actividade formativa práctica centrada no aforro e eficiencia enerxética no fogar, con esencial incidencia en conseguir o maior aforro posible na factura eléctrica.
Obxecto: establecer as bases da colaboración entre o Inega, o IGCC e a Fundación Sotavento Galicia para a continuación da campaña Dálle luz á túa factura, que se iniciou nos anos 2014, 2015 e 2016 coa finalidade de información sobre a facturación de enerxía eléctrica e asesorar os consumidores sobre medidas de aforro e de eficiencia enerxética.
Sinatura: 12 de xullo de 2017.
Importe: 70.000,00 euros.
Nº: 4.
Título: Convenio de colaboración entre o Instituto Enerxético de Galicia (Inega) e a Fundación Semana Verde de Galicia para a celebración da segunda edición da feira da enerxía.
Obxecto: establecer as condicións de colaboración entre o Inega e a Fundación Semana Verde de Galicia encamiñadas á organización no vindeiro ano 2018 da segunda edición da feira de carácter monográfico de enerxía que ten por obxectivo a promoción e potencialización dos principais sectores enerxéticos: o Gas Natural Licuado (GNL), as enerxías renovables clásicas: hidráulica, eólica e solar, as novas enerxías renovables: aerotérmica, xeotérmica e o autoconsumo enerxético.
Sinatura: 14 de xullo de 2017.
Importe: 57.310,00 euros.