De conformidade co disposto no artigo 44 e 46 da Lei 39/2015, do 1 de outubro, do procedemento administrativo común das administracións públicas, notifícaselle, a través do Boletín Oficial del Estado, á persoa que a continuación se indica a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente desta xefatura territorial.

Contra esta resolución, que pon fin á vía administrativa, poderá interpoñerse recurso ante o Xulgado de Primeira Instancia de Vigo que por quenda corresponda, no prazo de dous meses desde o día seguinte ao da publicación da presente cédula no Boletín Oficial del Estado, sen necesidade de reclamación administrativa previa, de conformidade co disposto no artigo 780 da Lei 1/2000, do 7 de xaneiro, de axuizamento civil.

O correspondente expediente consta no Servizo de Familia, Infancia e Dinamización Demográfica da Xefatura Territorial de Vigo, da Consellería de Política Social, na rúa Concepción Arenal, nº 8-1º andar, 36201 Vigo, onde a persoa interesada poderá comparecer no prazo de dous meses desde o día seguinte ao da publicación da presente cédula no Boletín Oficial del Estado, para os efectos do coñecemento do contido íntegro da resolución, de luns a venres laborables e en horario de 9.00 a 14.00 horas.

Vigo, 26 de xullo de 2017

Marta Iglesias Bueno
Xefa territorial de Vigo

ANEXO

Nº expediente: 2012/156-36 e dous máis.

Interesada: Eva Meijide Novoa.

DNI: 36141168A.

Acto que se notifica: resolución administrativa do 11 de xullo de 2017.

Efectos xurídicos: mantemento e revisión das medidas administrativas.