En cumprimento do disposto no artigo 25 da Lei 10/1995, do 23 de novembro, de ordenación do territorio de Galicia, e nos artigos 13 e 14 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, sométese a información pública, para os efectos e durante o prazo que despois se precisa, a seguinte documentación:

Modificación do proxecto sectorial do parque empresarial da Laracha: sométese a información pública, polo prazo dun mes contado a partir da publicación deste anuncio no Diario Oficial de Galicia, para os efectos da Lei 10/1995, do 23 de novembro, de ordenación do territorio de Galicia, e do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal.

Durante o prazo referido, calquera persoa poderá examinar a devandita documentación, en horario de oficina, nas dependencias do Instituto Galego da Vivenda e Solo (IGVS), sitas no polígono das Fontiñas, Área Central, s/n, en Santiago de Compostela, e no concello da Laracha, e presentar ante o IGVS as alegacións, documentos e xustificacións que considere pertinentes. Así mesmo, a documentación poderá ser consultada na páxina web do Instituto Galego da Vivenda e Solo (http://igvs.xunta.es).

Santiago de Compostela, 25 de agosto de 2017

Heriberto García Porto
Director xeral do Instituto Galego da Vivenda e Solo