O Pleno da Corporación, en sesión ordinaria celebrada o día 31.5.2017, acordou aprobar inicialmente o expediente nº 11/2016.PMP de modificación puntual das normas subsidiarias para clasificar como solo urbano o polígono industrial de Suevos.
Así mesmo, acordouse a suspensión do outorgamento de licenzas no ámbito delimitado polas parcelas catastrais: 002300900NJ40A, 15005A09500002, 15005A09300241, 15005A09300242, 15005A09300243, 15005A09300244, 15005A09200192 e 15005A09200193, tendo en conta o sinalado ao respecto no informe do xefe de Área de Urbanismo e Medio Ambiente do 24.5.2017: «(…) a ordenación prevista nesta modificación puntual é diferente e incompatible coa das NNSS municipais de 1995 para o ámbito a que se refiere excepto no que atinxe á eliminación de edificacións e construcións con adecuación do terreo para acomodar o territorio ás exixencias das leis de costas e de augas».
En virtude do disposto polo artigo 60 da Lei 2/2016, do 10 de febreiro, do solo de Galicia, e polo artigo 144 do Decreto 143/2016, do 22 de setembro, polo que se aproba o Regulamento da Lei 2/2016, o expediente de referencia, documento refundido, queda sometido a información pública polo prazo de dous meses, contados a partir do día seguinte a aquel en que se produza a presente publicación no Diario Oficial de Galicia.
Durante o devandito prazo as persoas interesadas poderán examinar o seu contido no Departamento de Urbanismo do Concello de Arteixo (praza Alcalde Ramón Dopico, nº 1, Arteixo), de luns a venres, das 9.00 ás 14.00 horas, e presentar alegacións se o consideran oportuno.
O contido íntegro da modificación puntual pódese consultar no seguinte enderezo electrónico: http://www.arteixo.org/gl/noticia/aprobacion-inicial-da-moficacion-puntual-nnss-poligono-suevos.
Arteixo, 16 de agosto de 2017
O alcalde
P.D. (Decreto 1336 do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente