De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade ás seguintes encomendas coas seguintes características:
1. Resolución do 14 de decembro de 2016, da Consellería do Mar, de tramitación anticipada de gasto, pola que se lle encarga ao medio propio Empresa de Tecnologías y Servicios Agrarios, S.A. (Tragsatec) a realización, polo sistema de administración do servizo de apoio á xestión de emerxencias na Subdirección Xeral de Gardacostas de Galicia para o ano 2017.
– Actividade: traballos de xestión das emerxencias e avisos recibidos na sala de operacións.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servicios Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro ata o 31 de decembro de 2017.
– Financiamento: tramitación anticipada de expedientes de gasto con cargo aos orzamentos da Comunidade Autónoma de Galicia para o ano 2017, aplicación orzamentaria 14.01.541C.604.1, e con código de proxecto 2011 00867.
2. Resolución do 21 de decembro de 2016, da Consellería do Mar, pola que se lle encarga á Empresa de Tecnologías y Servicios Agrarios, S.A. (Tragsatec) a realización dos traballos de apoio técnico para o seguimento da política pesqueira común e información da acción do Fondo Europeo Marítimo e da Pesca como anticipado de gasto.
– Actividade: traballos de apoio, de asistencia e interrelación das diferentes institucións europeas, recopilación e análise e elaboracións de informes.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servicios Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o día 1 de xaneiro de 2017 ata o 31 de decembro de 2018.
– Financiamento: tramitouse con cargo aos orzamentos da Comunidade Autónoma de Galicia para o ano 2017, aplicación orzamentaria 14.01.721A.640.2 e código de proxecto 2016 00324.
3. Resolución do 23 de decembro de 2016, da Consellería do Mar, pola que se modifica a orde de execución asinada o 17 de decembro de 2015 pola que se encarga ao medio propio Empresa de Tecnologías y Servicios Agrarios, S.A., para a realización do servizo de apoio administrativo ao FEMP 2014-2020.
– Actividade: apoio administrativo ao FEMP 2014-2020, na tramitación de axudas ao sector pesqueiro en Galicia a través das intervencións do FEMP. Reforzando as tarefas de análise de viabilidade económica e financeira dos expedientes de investimento no marco do FEMP 2014-2020, debido á súa grande complexidade técnica.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servicios Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: a mesma que a encomenda que modifica.
– Financiamento: tramitouse con cargo aos orzamentos da Comunidade Autónoma de Galicia para o ano 2017, aplicación orzamentaria 14.02.723A.604.1, código de proxecto 2016 00287.
Santiago de Compostela, 21 de xullo de 2017
Mª Isabel Concheiro Rodríguez-Segade
Secretaria xeral técnica da Consellería do Mar
