Para os efectos previstos no artigo 16 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro) e no artigo 36 da Lei 21/2013, do 9 de decembro, de avaliación ambiental (BOE núm. 296, do 11 de decembro) faise público que, por espazo de 30 días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Proxecto básico de solicitude de autorización ambiental integrada para instalación de moenda, almacenamento e expedición de cemento en Narón, A Coruña. Xullo 2017. Revisión: 1.
– Resumo non técnico de proxecto básico de solicitude de autorización ambiental integrada para instalación de moenda, almacenamento e expedición de cemento en Narón, A Coruña. Xullo 2017. Revisión: 1.
– Estudo de impacto ambiental para solicitude de autorización ambiental integrada para instalación de moenda, almacenamento e expedición de cemento en Narón, A Coruña. Xullo 2017. Revisión: 1.
– Resumo non técnico de estudo de impacto ambiental para solicitude de autorización ambiental integrada para instalación de moenda, almacenamento e expedición de cemento en Narón, A Coruña. Xullo 2017. Revisión: 1.
Para que calquera interesado poida consultalos e, de ser o caso, formular dentro do dito prazo as alegacións, suxestións ou observacións que coide convenientes, os documentos poderán consultarse:
– Na Dirección Xeral de Calidade Ambiental e Cambio Climático, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela), en horario de atención ao público.
– Na páxina web da Consellería de Medio Ambiente e Ordenación do Territorio (http://cmaot.xunta.gal>>medio ambiente e sostibilidade >>prevención e control de actividades>>autorización ambiental integrada >>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 1 de agosto de 2017
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumo
Titular: Cementos Tudela Veguín, S.A.U.
CIF: A74314980.
Domicilio social: rúa Argüelles, 25, Oviedo.
Localización da instalación: nordeste do sector IV do polígono industrial de Río do Pozo.
Actividade: moenda, almacenamento e expedición de cemento.
Descrición da instalación: a planta recibe a granel todos os compoñentes do cemento (clínker, xeso e adicións) para a súa moenda e posterior expedición. O proceso consta das seguintes etapas: transporte e almacenamento de materias primas, moenda do cemento, almacenamento e ensilado (ou ensacado e paletizado, en función do tipo de cemento) e comercialización.
Verteduras: o proceso non xera aguas residuais de orixe industrial. As augas residuais pluviais recóllense e trátanse nunha balsa de decantación antes da súa conexión coa rede municipal de pluviais e as augas sanitarias recóllense e trátanse nunha foxa séptica antes da súa conexión coa rede municipal.