DOG 149 do 7/08/2017 - RESOLUCIÓN do 18 de xullo de 2017 pola que se fai público o cofinanciamento do servizo para a redacción do proxecto de mellora do saneamento en Ver-Pontedeume nun 80 % pola Unión Europea a través do Fondo Europeo de Desenvolvemento Rexional (Feder) no marco do programa operativo Feder Galicia 2014-2020.

VI. Anuncios

a) Administración autonómica

Augas de Galicia

RESOLUCIÓN do 18 de xullo de 2017 pola que se fai público o cofinanciamento do servizo para a redacción do proxecto de mellora do saneamento en Ver-Pontedeume nun 80 % pola Unión Europea a través do Fondo Europeo de Desenvolvemento Rexional (Feder) no marco do programa operativo Feder Galicia 2014-2020.

missing image file

De conformidade coa normativa da Unión Europea reguladora dos fondos europeos dáse publicidade ao cofinanciamento europeo, para os efectos do cumprimento da obriga de información e publicidade establecida na regulación europea sobre os fondos e, en xeral, do disposto na demais normativa que resulte de aplicación na materia e ao abeiro do previsto na Lei 9/2010, do 4 de novembro, de augas de Galicia, e no Decreto 32/2012, do 12 de xaneiro, polo que se aproba o estatuto da entidade pública Augas de Galicia, da seguinte actuación:

1. Entidade adxudicadora.

Organismo: Augas de Galicia.

Dependencia que tramita o expediente: Contratación.

Tipo de contrato: servizo.

Tramitación: ordinaria.

Procedemento: gasto menor.

2. Obxecto do contrato.

Título: redacción do proxecto de mellora do saneamento en Ver-Pontedeume (A Coruña).

Clave do expediente: GA.17023.

CPV (referencia de nomenclatura): 71242000-6.

Orzamento base: importe neto: 17.992,80 euros. Importe total: 21.771,29 euros.

Prazo de execución: 6 meses.

Importe da oferta: importe neto: 12.800,00 euros. Importe total: 15.488,00 euros.

Empresa: Egis Eyser, S.A.

3. Cofinanciamento da Unión Europea.

A actuación referida no punto 2 cofinanciarase pola Unión Europea a través do Fondo Europeo de Desenvolvemento Rexional (Feder) nun 80 % no marco do programa operativo Feder Galicia 2014-2020. Enmárcase dentro do programa operativo no obxectivo temático 6 «conservar e protexer o ambiente e promover a eficiencia dos recursos»; prioridade de investimento 6.2 «o investimento no sector da auga para cumprir os requisitos do acervo da Unión en materia de ambiente e para abordar as necesidades, determinadas polos Estados membros, dun investimento que vaia máis alá dos ditos requisitos»; obxectivo específico 6.2.1 «culminar os requisitos da Directiva marco da auga a través do investimento en infraestruturas de saneamento, depuración e reutilización de augas residuais, e mellora da calidade da auga», actuación 6.2.1.2 (segundo o documento criterios e procedementos de selección de operacións, CPSO) «reforma e optimización dos sistemas de saneamento das rías galegas». Unha maneira de facer Europa.

Santiago de Compostela, 18 de xullo de 2017

A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roberto Rodríguez Martínez
Director de Augas de Galicia