De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento a María Dolores Sancosmed Lema, Pablo Sancosmed Lema, María Amparo Sancosmed Lema e Manuel Sancosmed Lema para o trámite de audiencia ditado no expediente de reposición da legalidade urbanística LUG/45/2016-RP1, en relación coas obras consistentes na instalación dunha casa tipo mobil home, caseta tipo xardín e soleira de formigón e dous pozos, que se levan a cabo no lugar de Cortiña Grande, pol. 1, parc. 3, no termo municipal de Barreiros, provincia de Lugo.

O expediente relacionado atópase á disposición dos interesados na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

Os interesados disporán dun prazo de 15 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que consideren pertinentes.

Para que conste e lles sirva de notificación aos citados interesados, en cumprimento do disposto no artigo 44 da Lei 30/2015, expido e asino esta cédula.

Santiago de Compostela, 29 de xuño de 2017

José Antonio Cerdeira Pérez
Director da Axencia de Protección da Legalidade Urbanística