Expediente: IN407A 2017/003-1.
Solicitante: Sucesores de Manuel Leira, S.L.
Denominación: reforma do CT Pudrigal e LMTA.
Concello: Cabanas.
Características técnicas:
Substitución de condutor existente en tramo aéreo en condutor LA-30, sobre apoios de formigón e celosía de 63 m, de lonxitude, que discorre polo lugar denominado Paderna no concello de Cabanas.
Substitución de centro de transformación a intemperie existente por outro sobre apoio de celosía C-3000/14 cunha potencia de 160 kVA e relación de transformación 15.000/400-230 V no lugar denominado Paderna no concello de Cabanas.
Lexislación de aplicación:
Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
Lei 24/2013, do 26 de decembro, do sector eléctrico (BOE núm. 310, do 27 de decembro).
Real decreto 1955/2000, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).
Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións no Servizo de Enerxía e Minas da Xefatura Territorial de Economía, Emprego e Industria, sita na rúa Vicente Ferrer, 2-2ª planta, 15071 A Coruña, no prazo de vinte días, a partir do día seguinte ao da última publicación deste acordo.
A Coruña, 2 de marzo de 2017
Isidoro Martínez Arca
Xefe territorial da Coruña