DOG 127 do 5/07/2017 - RESOLUCIÓN do 23 de xuño de 2017, da Secretaría Xeral da Presidencia, pola que se fai público o Acordo do Consello da Xunta de Galicia, do 22 de xuño de 2017, de prórroga do mandato de Fernando Ignacio González Laxe como conselleiro nato do Consello Consultivo de Galicia.

II. Autoridades e persoal

b) Nomeamentos

Presidencia da Xunta de Galicia

RESOLUCIÓN do 23 de xuño de 2017, da Secretaría Xeral da Presidencia, pola que se fai público o Acordo do Consello da Xunta de Galicia, do 22 de xuño de 2017, de prórroga do mandato de Fernando Ignacio González Laxe como conselleiro nato do Consello Consultivo de Galicia.

O Consello da Xunta de Galicia, na súa reunión do día vinte e dous de xuño de dous mil dezasete adoptou o seguinte acordo:

«1º. Prorrogar o mandato de Fernando Ignacio González Laxe como conselleiro nato do Consello Consultivo de Galicia por un período máximo de dous anos, logo de recibida a comunicación do presidente do Consello Consultivo de Galicia de expiración do mandato de Fernando Ignacio González Laxe como conselleiro nato dese órgano o vindeiro dez de xullo de dous mil dezasete, na cal se poñen de manifesto as circunstancias concorrentes, e en virtude do establecido no artigo 4.5 e na disposición transitoria segunda da Lei 3/2014, do 24 de abril, do Consello Consultivo de Galicia.

2º. Publicar este acordo no Diario Oficial de Galicia».

Santiago de Compostela, 23 de xuño de 2017

Manuel Galdo Pérez
Secretario xeral da Presidencia