Mediante Orde desta consellería do 27 de abril de 2017 (DOG nº 91, do 12 de maio) convocouse a provisión, polo sistema de libre designación, de postos directivos na Xestión Integrada de Lugo, Cervo e Monforte de Lemos.
De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e en exercicio das competencias que ten atribuídas esta consellería
DISPOÑO:
Primeiro. Resolver a convocatoria pública efectuada mediante Orde do 27 de abril de 2017 (DOG nº 91, do 12 de maio) para os efectos previstos no número 2 do artigo 59 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde.
Segundo. Seleccionar e nomear, para o desempeño dos postos que se indican, as persoas que figuran no anexo I desta orde.
Terceiro. Seleccionar, para o desempeño do posto que se indica, a persoa que figura no anexo II desta orde, para os efectos de que se proceda á súa vinculación mediante contrato laboral de alta dirección.
Cuarto. Contra a presente orde, que pon fin á vía administrativa, poderase interpoñer recurso contencioso-administrativo no prazo de dous meses, contados a partir do día seguinte ao da súa publicación, ante o xulgado do contencioso-administrativo competente, de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa. Potestativamente, e con carácter previo, poderase interpoñer recurso administrativo de reposición ante este órgano directivo, no prazo dun mes a partir do día seguinte ao da súa publicación, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 20 de xuño de 2017
Jesús Vázquez Almuíña
Conselleiro de Sanidade
ANEXO I
Posto: director/a de Procesos Asistenciais.
Nome e apelidos: Alfredo José Silva Tojo.
DNI (*): *****761M.
Posto: director/a de Recursos Humanos.
Nome e apelidos: Francisco Javier Pena Corredoira.
DNI (*): *****286F.
Posto: subdirector/a da Área de Recursos Humanos.
Nome e apelidos: Manuel Gómez López.
DNI (*): *****905J.
Posto: xerente executivo/a de Cervo.
Nome e apelidos: María José Cortés Canay.
DNI (*): *****488W.
Posto: subdirector/a médico/a de Cervo.
Nome e apelidos: Eva María López Roca.
DNI (*): *****087G.
ANEXO II
Posto: xerente executivo/a de Monforte de Lemos.
Nome e apelidos: Iván Sanz Falque.
DNI (*): *****869S.
* Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 15/1999, do 13 de decembro.