O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Consellería de Economía. Emprego e Industria nos meses de xaneiro a abril do ano 2017, que se incorpora como anexo a esta resolución.
Santiago de Compostela, 19 de maio de 2017
Borja Verea Fraiz
Secretario xeral técnico da Consellería
de Economía, Emprego e Industria
ANEXO
Convenios de colaboración subscritos pola Consellería de Economía,
Emprego e Industria nos meses de xaneiro, febreiro, marzo e abril do ano 2017
|
Convenio |
Data de sinatura |
Importe total |
|
Convenio de colaboración entre a Consellería de Economía, Emprego e Industria e a Universidade da Coruña para o fomento da investigación e a realización de probas de control de calidade dos hirdrocarburos en Galicia. |
9.2.2017 |
307.900,00 € |
|
Convenio de colaboración entre a Consellería de Economía, Emprego e Industria e a Fundación Santa María La Real para o desenvolvemento do proxecto Lanzadeiras de Emprego Solidario no marco do proxecto cofinanciado polo Fondo Social Europeo e a Fundación Telefónica. |
1.3.2017 |
Non ten achega económica |
|
Convenio de colaboración entre a Consellería de Economía, Emprego e Industria da Xunta de Galicia e o Concello de Ourense para desenvolver un Plan integral de mellora das infraestruturas do polígono industrial do Vinteún (As Coiñas). |
6.4.2017 |
700.000,00 € |
|
Convenio de colaboración entre a Consellería de Economía, Emprego e Industria da Xunta de Galicia e Cáritas Diocesana de Mondoñedo Ferrol para a acreditación da formación impartida por Cáritas no marco do seu convenio coa Fundación Endesa. |
7.4.2017 |
Non ten achega económica |
