Con data do 18 de maio de 2017, a xefa territorial da Consellería de Sanidade de Pontevedra ditou acordo de inicio do expediente sancionador núm. 2017212AL-PO, incoado na Xefatura Territorial da Consellería de Sanidade de Pontevedra contra Compañía de Protección y Vigilancia Galaica, S.A., con CIF A15922198, como titular do establecemento La Barraca.

Tras intentar a notificación deste acordo consonte ao artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido efectuarse, polo que mediante esta cédula notifícaselle a Compañía de Protección y Vigilancia Galaica, S.A., como titular do establecemento La Barraca, o contido do dito acordo, que figura no anexo, segundo o disposto no artigo 44 da dita lei, para o seu coñecemento.

Así mesmo, fáiselle saber o dereito que lle asiste, ao abeiro do disposto no artigo 76 da Lei 39/2015, do 1 de outubro, do procedemento administrativo común das administracións públicas, para presentar alegacións ante esta xefatura territorial no prazo de 15 días hábiles, que se contarán desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia, rúa Fernández Ladreda, núm. 43, 1º andar, e obter, se é o caso, copia del, segundo o previsto no artigo 53.1.a) da dita lei.

Notifícaselle tamén que, de non efectuar alegacións sobre o contido do dito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, consonte o artigo 64.2.f) da Lei 39/2015, do 1 de outubro.

Advírtese que antes da resolución do procedemento ten dereito ás reducións establecidas no artigo 85 da Lei 39/2015.

Esta cédula expídese para que conste e lle sirva de notificación á interesada, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.

Pontevedra, 29 de maio de 2017

Ángeles Feijoo-Montenegro Fernández
Xefa territorial de Pontevedra

ANEXO

Número do expediente: 2017212AL-PO.

Denunciada: Compañía de Protección y Vigilancia Galaica, S.A., con CIF A15922198, como titular do establecemento La Barraca.

Último enderezo coñecido: rúa Teófilo Llorente, nº 63, do concello de Vigo.

Feito imputado: supostas infraccións en materia de seguridade alimentaria.

Preceptos presuntamente infrinxidos: Regulamento (CE) 852/2004, do 29 de abril, relativo á hixiene dos produtos alimenticios: artigos 3 e 4.2 e o capítulo I puntos 1, 2, 4, e 9; capítulo II punto 1.a), b), c), e) e f); capítulo V punto 1; capítulo VI puntos 1 e 2 e capítulo IX puntos 2, 3, e 7 do anexo II.

Tipificación: unha infracción administrativa tipificada como grave no artigo 51 punto 2 da Lei 17/2011, do 5 de xullo, de seguridade alimentaria e nutrición, e unha infracción administrativa tipificada como moi grave no artigo 43.b) da Lei 8/2008, do 10 de xullo, de saúde de Galicia.

Sanción proposta: vinte mil vinte e seis euros con trinta e un céntimos (20.026,31 €).