O Pleno da Corporación Municipal do Concello do Porriño, na súa sesión extraordinaria do 9 de febreiro de 2017, aprobou inicialmente a modificación puntual do Plan xeral de ordenación municipal no límite co termo municipal de Salceda de Caselas, co seguinte acordo transcrito de xeito literal:

«1º. Aprobar inicialmente a modificación puntual do Plan xeral de ordenación municipal na línea límite con Salceda de Caselas.

2º. Someter o expediente a información pública por un prazo de dous meses mediante publicación no Diario Oficial de Galicia, nun xornal dos de maior difusión da provincia e no taboleiro de edictos do concello.

3º. Dar traslado ao órgano competente en materia de urbanismo da Consellería de Medio Ambiente e Ordenación do Territorio para a realización das consultas previstas no documento de alcance co estudo ambiental estratéxico; dar audiencia aos municipios limítrofes e solicitar os informes sectoriais autonómicos preceptivos.

4º. Solicitar a emisión dos seguintes informes sectoriais:

– Dirección Xeral de Aviación Civil do Ministerio de Fomento.

– Deputación Provincial de Pontevedra.

5º. Suspender o outorgamento da licenzas de parcelación, edificación e derrubamento nos ámbitos da modificación puntual que poidan ser incompatibles coa ordenación urbanística obxecto de aprobación».

Consonte o establecido no artigo 60.6 da Lei 2/2016, do 10 de febreiro, do solo de Galicia (DOG núm. 34, do 19 de febreiro), faise público para o xeral coñecemento para que os interesados acheguen as alegacións, reclamacións ou suxestións que xulguen oportunas, durante o prazo de dous meses contados desde a súa data de publicación no Diario Oficial de Galicia.

O Porriño, 15 de maio de 2017

Eva García de la Torre
Alcaldesa