Mediante Resolución da Alcaldía 101/2013, do 22 de marzo, foi aprobado inicialmente o Plan especial de reforma interior en Quenxe, parcela con referencia catastral 4542806MH8544S0001LI, situada a carón da avenida Rosalía de Castro (estrema ao oeste) e da praia de Quenxe (estrema ao leste), e na que se sitúa o actual Museo Marítimo, presentado por Federico Castro-Rial Schuler, en representación de Inmobiliaria Sicar, S.L, redactado por Iceacsa.
Redactado un novo proxecto co obxecto de atender as consideracións indicadas polos diferentes organismos sectoriais, e considerando que o dito documento introduce modificacións substanciais, con respecto ao aprobado inicialmente, mediante a Resolución da Alcaldía 138/2017, do 17 de abril, e de conformidade co previsto no artigo 75.1.c) da Lei 2/2016, do 10 de febreiro, do solo de Galicia, acordouse abrir un novo trámite de información pública para que, durante o prazo de dous meses, contados a partir da última das publicacións no Diario Oficial de Galicia, e nun dos xornais de maior difusión da provincia, as persoas interesadas examinen o expediente na Secretaría do Concello e formulen as alegacións que xulguen pertinentes.
Corcubión, 17 de abril de 2017
Manuel Insua Insua
Alcalde